Pikit kong isinusulat
damdaming mulat
Sa hapdi ng katotohanang
Dulot ng 'yong kapalaran
Ako'y nakahiga
Manhid, nais makawala
Yakap ng lungkot, luksa
pighati at kirot
nitong pag-ibig na baluktot
Ito ba ang sumpa ng ating pagtatagpo?
Pait na dulot ng huwad na silakbo.
***
Nais kong matulog
sa tabi ng iyong hubog
unan ko ang 'yong balikat
kumot ko ang 'yong balat
Huni ng 'yong paghinga
Ang siyang musika
O kay tamis ng hele
sa piling mo be!
1 komento:
maraming salamat :)
Mag-post ng isang Komento