formspring.me

Ask me anything http://formspring.me/yosibreak

Nissin Di622 Test Shots

Pwedeng gawing wireless slave flash ang Nissin Di622. Pinaglalaruan ko itong feature na'to at ito ang mga nagustuhan kong shots. Anime figure lang muna, mahirap kasing maghanap ng libreng model na hindi umaangal, at may pasensya habang tinutuklas ko pa lang ang technicals. Ang balak ko talaga dito e gamitin sa portraits.

Kung itutulad sa mga branded na flash, mura na ang Nissin Di622, kalahati ng presyo ng lower-end flash ng Canon. Hindi pa ako nakakagamit ng Canon flash kaya hindi ko maikukumpara pero ok naman ang performance ng Nissin so far.

Dear Blog

Dear Blog,

Kumusta ka na?  Parang ang lungkot mo dito ah.  Hindi na kita nabibisita at ewan ko kung may ibang taong napapadpad dito paminsan-minsan.  Pasensya ka na, hindi naman sa kinalimutan na kita.  Marami lang iba pang bagay na pinagkakaabalahan.  Nandyan syempre ang trabaho.  At may asawa na rin ako.  Pero nandyan din ang Facebook, Tumblr, StumbleUpon, YouTube, Flickr, at nitong pinakahuli, Twitter.

Wag kang magselos ha.  Hindi ko nakakalimutan ang pinagsamahan natin.  Kailan nga tayo nagkakilala?  Noong 2003 ba?  Hindi ko na matandaan pero alam ko na sinamahan mo ako pag galit ako sa mundo.

Yan pa ang isa,  aaminin ko sayo na bad weather friend ako sayo.  Gusto lang kitang kasama pag nagugulumihanan ako.  Kasi siguro kahit anong sabihin ko, nakukuha mo.  Lahat ng kalokohan at kababawan at kabastusan, at kasalanan kaya mong tanggapin eh.  

Hayaan mo, hindi kita buburahin sa mukha ng internet.  At pangako ko sayo, papalitan ko na itong theme mo.  Kailan mo pa ba suot yan?  Ang pangit na eh.  Halatang ancient na, in cyber-time.  Pero konting hintay lang ha.  Kasi nung tiningnan ko kung may bagong templates ang Blogger, wala akong nakita eh.  E alam mo naman, hindi ako marunong magkalkal ng HTML at CSS codes.  Hayaan mo, pag napag-aralan ko, igagawa kita ng malupit na theme.

O sige hanggang dito na lang muna at may trabaho pa ako.

Hanggang sa muli!

-V

(via Gmail)

Ang Kawawang Kawboy

Ang Kawawang Cowboy
Fred Panopio

Ako ang kawawang kowboy 
Ang bubble gum ko'y tsampoy 
Ang pananghalian ko ay laging kamoteng kahoy 
Ang ate ko at ang kuya 
Ang nanay, tatay, lola, ang buong pamilya 
Silang lahat ay hindi kowboy 
Ako'y nagiisang palaboy 
Ang aking kabayong dala may butones pa. 


(Refrain) 
Ang kawawang kowboy 
May baril walang bala 
May bulsa wala namang pera 
Ako nga ang kowboy 
Palaging nag-iisa 
Ang kabayo ay walang paa 
Ang aking brief ay butas pa. 


(Repeat I) 

(Refrain) 
Ang kawawang kowboy 
May baril walang bala 
May bulsa wala namang pera (fade)

====

Ayos na ayos talaga si Manong Fred.  Pinakapanalo ang linya ng butas na brief.  Nakaka-relate ako.

ako ang kuliglig

Wala akong magawa.

==
Nabuhay ulit ang interes ko sa Starcraft. Dahil ito sa youtube. Nakakapanood ako ng mga laro ng mga progamer sa Korea. May mga English commentary kaya mas naiintindihan. Parang NBA pero videogame.

Sinubukan kong maglaro sa Battlenet. 1vs1 LT noob. Talo ako.

Kailangan kong magpraktis. Yung mga tropang kalaro ko dati, nag-move on na sa Guitar Hero, sabi nila gusto din nila maglaro pero ewan ko lang.

==
Natuto na rin akong mag-Facebook. Jologs na daw kasi ang Friendster. Mas maganda nga ang Facebook pero may bahid din ng jologs. Kung kaibigan ko kayo, i-add nyo ako. I-add nyo na rin ako sa Mafia Wars.

==

ako ang kuliglig

i.

ako
ang kuliglig

ako
ang bula

ako
ang kuliglig
ang bula

ako
ang kuliglig
ng bula
ang bula
ng kuliglig

ako
ang walang mallows na ako
ang walang kamatayang ako
ang bula ng kuliglig


ii

ako
ang kuliglig ng bula

ako
ang bula ng kuliglig


ako
ang malayang ako
matapat sa sarili
sa aking kuliglig
ng bula

ako
ang bula
sa kuliglig

ako
ang kuliglig
ng bula
ako


iii

ako
ang damdaming
malaya

ako
ang larawang
buhay

ako
ang buhay
na walanghanggan

ako
ang damdamin
ang larawan
ang buhay

damdamin
larawan
buhay
bula
ako


iv

ako
ang kuliglig
sa bula

ako
ang bula
sa kuliglig

ako
ang kuliglig

ako
ang bula

kuliglig
bula
ako

Girl's Web

Girl's Web, originally uploaded by yosibreak.

Bayani 2010?

image via flickr.com

Iboboto ko ba si Bayani kung tatakbo sya sa 2010? Pwede.

Maraming pwedeng pag-usapan sa isyu na'to pero bibilisan ko lang kasi pauwi na ako. Nakita ko itong article na'to sa Filipino Voices tungkol kay Bayani Fernando, tapos may nagcomment nang ganito:

I’d probably vote for Bayani if he runs. Seriously. At least he has something to show for compared to the other wanna-bes like:

1. MAR…Mr. Fence-sitter forever! He has never stood up for anything. Heck, he can’t even stand up for Korina.
2. Villar…Mr. Quiet all of a sudden because he got busted by Ping
3. Noli …Er, no comment
4. Loren…Ms. Kap(b)it sa patalim…Er, no thanks…NEVER!…asa pa sya
5. Ping…Mr. Human Rights violator…sorry but I’m scared of the Police.

If you look at things objectively, hasn’t Bayani done a lot compared to the people mentioned above? Look at how Marikina has transformed into a real urban community.

He may have his quirks and all but he actually is an effective administrator. His wife Marides too.
So what’s all the fuss? We should be more scared of the likes of those listed above because they have done NOTHING. NOTHING. NOTHING.

(Jen)

Sumang-ayon ako sa kanya:

I agree with Jen. I would seriously consider Bayani. Although I do not approve of his gimmicks to promote himself, I can turn a blind eye because I understand that he needs to play politics if he wants to win. Ganon din naman ginagawa ng iba, ceteris paribus, angat si Bayani para sa akin.

Yan na yung balangkas ng posisyon ko dyan. Ikaw ano sa tingin mo?

Malapit na kaming lumipat

Yan ang bahay namin. Ok ba? :D

Malapit na kaming lumipat ng bahay, konting konti na lang. Maraming mga gusot pero ganon naman talaga. Konting tiis pa.

Na-inspect na namin noong Oct 22, nagpasama kami kay Jenner at Au. Architect si Ner at mabuti na lang talaga at nagpatulong kami. Kasi kung kaming mag-asawa lang, baka sa sobrang excited namin e hindi na namin nakita yung mga kailangan pa ng retoke. Pasado naman kay Ner at Au sa pangkalahatan. May mga maliliit na detalye na madali lang ayusin. Walang kawala dun sa kumpare kong architect, kita nyo naman sa picture, medyo kinausap nya ng masinsinan yung engineer na hindi makapalag sa kanya. Hehehe.




Yan si Hannah, paikot-ikot, patingin-tingin pero wala namang napupunang hindi tama. Overwhelmed eh. Pa-cute na lang parang ganito.



Ako naman kuha lang nang kuha, yosi-yosi, tapos nung ok na sa akin, nagyaya na akong umuwi kasi wala pa kaming tulog nun. Itong kumpare ko parang ayaw pa. Hindi mapakali at tumingin pa ng isa pang round. Buti na lang din ginawa nya yun kasi may nakita syang importanteng kailangang ayusin. Yung sa bubong yun. Dalawang beses nya sa akin ipinaliwanag kung bakit mahalaga yun at nasaan yun sa bubong pero di ko talaga makuha yung eksaktong sinasabi nya. Nung tinawag nya yung engineer, isang turo lang at mga dalawang salita, nagkaintindihan na sila.

Kalye Overlay

Mabilis lang kasi miss ko na magpost at kailangan ko nang umuwi. Napulot ko yung idea kay Grayscalegorilla tapos ginawa ko sa GIMP. Trip laang po!

Happy Halloween

Wala lang, nainggit lang ako at may halloween gimik sina Hannah. Multong bakla mode muna tayo dito sa yosibreak.

Linggo ng Umaga sa Quezon City Circle

Kadalasan pag trip naming mag-asawa ang magpapawis, pumupunta kami sa UP.  Pag Linggo kasi, sarado sa mga motorista ang academic circle, malaya kang lumakad-lakad o tumakbo paikot-ikot hangga't gusto mo.

Pero nitong nakaraang linggo, sinubukan naman namin ang QC Memorial Circle para maiba naman.  Malayo pa lang narinig na namin ang malakas na tugtog at nang malapit na kami sa gitna, bumulaga sa amin ang isang pulutong ng mga misis, mga lola, at ilang mga mister na parang mga alagad ni Fuma Lei-ar, nakataas ang mga kamay, kumekembot-kembot, sinasabayan ang leader na nasa stage.

Iba pala ang eksena dito.  Sa UP karamihan sa makikita mo mga naka-pormang pangtakbo talaga, mga naka-iPod, mountain bikers.  Mas homogenous doon.  Dito naman sa Circle, parang karnabal ang rambol ng mga iba't ibang tao.

at hayop.

May isang manong ang nakaka-aliw panoorin.  May katandaan na sya pero kaya pa rin nya ang tatlong babae nang sabay-sabay.

sa larong badminton.

Nang mapagod nang tumakbo-takbo si Hannah, pumunta kami doon sa parte ng may maraming itinitindang halaman.  Hinanap namin kung may citronella, pangontra kasi yun sa lamok.  Ganito pala ang hitsura nun.  Parang damo lang.

Ang totoo nyan, palusot lang talaga yung "pagpapapawis" na yan.  Ang ulterior motive talaga ng paglabas namin na'to e para kumain.  Kalalakad namin, napadpad kami doon sa hilera ng mga makakainan at yun na nga.  Lafangz.

Bibingka at puto-bungbong.  Ang sarap nito.  Akala namin kakayanin pa namin kumain sa katabing gotohan pero ang bigat sa tyan ng bibingka-puto-bungbong combo.

Nagyosi ako doon sa loob ng park pagkatapos kumain pero bawal pala yun.  Pasaway daw ako sabi ni Hannah.  Sabi ko hindi kasi wala namang nagsaway sa akin.

Naglakad-lakad pa kami para magpababa ng kinain bago umuwi.

Kung sa mall siguro kami pumunta, naaburido lang kami sa siksikan, at naubos ang pera sa overpriced na pagkain.

Wantutri Asawa Ni Marie

1. Racist.

Maraming napikon sa Harry and Paul ng BBC. Ang ingay sa blogosphere. Si Akbayan rep little miss Hontiveros, umangal din. Ang gobyerno natin, nagreklamo sa British Embassy.

Hindi ko rin nagustuhan yung ginawa sa show pero hindi rin ako napikon. Bakit? Kasi hindi dapat patulan yun. At tsaka mas malala pa doon ang ginagawa nating racism dito mismo sa Pilipinas, laban sa kapwa mismo nating Pilipino. Yun ang kadiri.

2. Soundtrip


Wala ako sa mood magmarunong kaya puputulin ko agad ang usapan tungkol dyan sa racism na yan.

Gusto kong ibahagi sa milyon-milyong tagasunod ng yosibreak ang Accuradio. Panis ang lahat ng ibang streaming sites na nakita ko. Ang ganda ng compilation nila sa mga channel, may modern rock, blues, hiphop. Madaling pumili ng channel sa homepage, click mo lang yung picture para sa channel. Maganda ang quality, hindi napuputol.

Halos 100% ng soundtrip sessions ko nitong mga nakaraang linggo e ginagawa ko sa accuradio. Cheketawt.



3. Google Mapmaker.

Pag wala akong magawa, gumagawa ako ng mapa sa google map maker. Kung tulad ko at paminsan-minsan wala ka ding magawa at gusto mong makatulong naman sa Pilipinas, bakit hindi mo gawan ng mapa ang baranggay mo? Cheketawt, nakakaaliw. Kabubukas lang ng app na'to para sa Pilipinas, may mga parte pa na wala pang mapa kaya marami pang pwedeng gawin. Sa mga huling araw na ginagawa ko'to ang bilis ng development. Mukhang marami nang tumutulong. Yan ang web 2.0 por you, pinoy.

Sana lang wag matulad sa wikimapia. Binaboy ng mga ogag yun e. Makakakita ka ng "dito ko nadonselya si Neneng" sa isang apartment, makikita mo rin doon ang network wars ng ABS-CBN at GMA7. Yung mga pro-ABS, magkocomment sa building ng GMA ng "dito nagtatrabaho ang mga walang kwenta" ganon din gagawin ng kabila.

Pero sa google map maker, dahil moderated, sana naman hindi. Pero pwede rin kung ogag din ang magmomoderate. Parang sa totoong Pilipinas yan e. Pag may gulo, kailangan mo ng moderation ng pulis. Pero minsan, ang pulis ang nanggugulo. Hindi rin malayo mangyari sa web. That's Pinoy 2.0 por you, boy.

**edit: binura na pala yung network wars. buti naman. pero meron pa ring spam tulad nito.

Ang Kasaysayan ng Pilipinas ayon kay Ernesto Laput

Pinas - Munting Kasaysayan ng Pira-pirasong Bayan

Hindi ko matandaan kung nakita ko na itong site nato dati. Luma na sya, halata sa layout na uso noong early 90s late 90s. Ang objective ng sumulat na si Ernesto Laput ay isalaysay ang kasaysayan ng Pilipinas sa Tagalog "upang huwag antukin ang mga bumabasa. Isa pang dahilan, upang maiba naman at marami nang Philippine history na nakasulat sa English. Panghuli, upang maunawaan ng mga walang pambili ng bagong aklat o hindi bihasa sa English o sa Español ang mga mali at kulang-kulang na itinuro sa paaralan. "

Ang ganda ng birada. Heto pa ang sampol:

MAHIGIT 7,100 piraso ang Pilipinas, isang libo lamang ang may tao, kalahati ay ni walang pangalan, marami ang lulubog-lilitaw sa urong-sulong ng dagat, 46 piraso lamang ang malaki pa sa 100 kilometro cuadrado. Sa dadalawa, Luzon at Mindanao, nakatira ang 7 sa bawat 10 Pilipino. Bawat kasaysayan ay kinakailangang magsimula sa umpisa, kaya ang unang paksa sa kasaysayan ng Pilipinas ay kailangang iukol sa pinanggalingan ng kinalalagyan ng bayan.

Marami pang artikulo sa website ang puno ng siste. Magaan ang pagtalakay nya sa kadalasang kinatatamarang subject sa eskwela. Kung ako ay teacher ng history, gagawin kong required reading ito.

Kudos sayo Ernesto Laput.

Speech Accent Archive

Pinakinggan ko ang iba't ibang accent ng mga bansa sa south east asia sa nakita kong speech accent archive. Malinaw naman yung mga samples na binasa ng mga Tagalog. Medyo neutral na yung accent. Sa mga napakinggan ko, ang mga nagbasa e mga nakatira na sa US kaya talagang makukuha na nila yung american twang. May isang galing sa QC, ok naman. Siguro nagtatrabaho sa call center. Hehehe. Wala akong nakitang na-sample na ordinaryong pinoy.

Yung sa Malaysia ang gagaling e. Na-colonize pala sila ng British kaya ganon. Sa indonesia, mabigat yung accent, pati yung sa chinese speakers tulad ng Taiwan at China.

Lumang Mapa ng Pilipinas

via Helmlink

Ginawa noong panahon ng Kastila, 1748. Mapapansin na wala ang Mindanao at Palawan dito. Wala sa iskala yung mga isla, sobrang laki ng Laguna de Bay. Yung Bohol, sobrang liit. Halata na nailagay lang nila dito yung kontrolado nila noong panahon na yun. Maliit siguro yung Bohol dahil sa resistance ni Dagohoy. Hindi nila na-explore at na-exploit.

May color coding din pero di ko malaman kung para saan yun. May pula, green, at dilaw. Dilaw ang buong Luzon, Bohol, Masbate. Di naman siguro sa wika dahil bisaya na ang salita sa bohol.

Ikumpara sa modernong mapa ng Pilipinas:


View Larger Map

May bago na naman akong blog

Haay naku. May bago na naman akong blog. Yun kasing post ko kahapon tungkol sa mga binibili natin. Gusto kong palawigin pa at ilista naman yung mga binibili ko at tingan kung ano yung epekto nun. Kaso parang masyadong marami yun, at baka maging masyadong seryoso, at hindi na bumagay dito sa matinding site ko na'to. Gusto kong manatiling walang direksyon ang YosiBreak, ayokong masyadong maging politikal dito, gusto ko mga ramblings ko at mga random na bagay lang nandito.

Nandito yung blog: Bili Ko Boto Ko

Boto

Never again, will I buy products without thinking of the consequences of my act of buying.... "To buy is to vote." From now on, every time I buy a product, whatever it may be, I will ask myself the question ,"what kind of enterprise am I supporting ?"

Sinabi yan ni Ludovic Hubler, isang French na umikot sa buong mundo sa pamamagitan ng hitchhiking.

Napaisip ako dito.

Kailangan ng Pilipino ng Praktis sa Matalinong Pagboto.

Sa kasaysayan ng demokrasya ng Pilipinas, parang wala pa tayong naihahalal na tama. Laging mali ang pinipili natin sa pwesto. Isantabi na muna natin si Gloria, ibang usapan pa yan kung ibinoto ba talaga sya o ibinato nya sarili nya dyan sa Malakanyang. Dito tayo kay Erap. Yan ang malinaw na malinaw. Pagkakamali ng bayan numero uno, ibinoto natin nang hindi natin alam ang ginagawa natin.

Kung olats tayo sa isang bagay, ang tanging solusyon para maging magaling tayo dito e ang magpraktis nang maigi. Kung bano ka sa basketball, maglaro ka nang maglaro at kahit papaano gagaling ka rin magdribol man lang. Ganon din siguro sa pagboto. Kailangan natin ng praktis. Ngayon, ang problema, naglalaro lang tayo pag olympics na, nasa isip natin ang pagboto sa panahon lang ng eleksyon. Kaya hindi pa natin naiuuwi ang medalya ng politika sa pilipinas.

Tulad ng olympian, dapat araw-araw din nating nasa isip ang pagboto. At itong ideya na sa bawat pagbili natin ng isang bagay e bumoboto tayo, ito ang maghahasa sa atin para maging mas matalino sa pagpili natin ng pinuno. May panahon pa tayong lumampas sa antas ng bano bago mag 2010.
====

Sampol

Naaalala ko yung isang tula ni Dong Abay na pasok dito e. Teka hanapin ko muna kung nasa internet.

Nasa internet nga. At huling huli na pala ako, kasi kanta na sya! Napakinggan ko lang kasi sya sa 70s dati, at tinula nya lang ito. At yung nabili ko e yung compilation nya na Sampol na sya lang ang nagburn. Anyway, mas gusto ko yung patula. Heto yun mga linya:

Bombardment
Dong Abay

Shoe Mart o Robinsons’
Bench o Jockey
Marlboro o Winston
Addidas o Nike
SMART o Globe
Coke o Pepsi
Tide o Surf
SMB o Asia Brewery

Shakey’s o Pizza Hut
McDonald’s o Jollibee
Dunkin o Mister Donut
Kenny o KFC
Nissin o Lucky Me
Mentos o Max Candy
555 o Century Tuna
Jack ‘N Jill o Oishi

Red Bull o Lipovitan
Nido o Alaska
Datu Puti o Silver Swan
Purefoods o Magnolia
Nestle o Selecta
Del Monte o UFC
Swift o Argentina
Bok Bok Bok Knorr o Maggi

Joy Ultra o Action
Comfort o Downy
Clusivol o Enervon
Kleenex o Softee
Safeguard o Zest
Green Cross o Family
Whisper o Modess
National o Eveready

Raid o Baygon
Absolute o Wilkins
Colgate o Close-up
Palmolive o Pantene
Pampers o EQ
Eyemo o Visine
8 ‘o clock o Tang
Milo o Ovaltine

Star o Inquirer
Kodak o Fuji
Metrobank o BPI
Samsung o Sony
Yamaha o Kawasaki
Caltex o Shell
Toyota o Mitzubishi
PLDT o Bayantel

ABS-CBN o GMA 7
ABS-CBN o GMA 7

Charo o Mel Tiangco
Bayani o Michael V
Eat Bulaga o Wowowee
Mix o MTV
Martin o Gary V
Christina o Britney
Ate Guy o Ate Vi
Viva o Mother Lily

Gloria o FPJ
Marcos o Cory
Bush o Bin Laden
NPA o AFP
Iglesia o Katoliko
La Salle o Ateneo
Tagalog o Cebuano
English o Filipino

ABS-CBN o GMA 7
ABS-CBN o GMA 7

Original o Pirated

(mula dito)

Tapos ito pa yung video:


===

Sinigang Mix Up

Minsan hindi natin namamalayan ang epekto ng pagbili natin ng mga produkto. E kasi nga hindi naman natin iniisip na bumoboto tayo para sa produktong binibili natin. Ito ang isang halimbawa na sana maraming maka-relate. Kasi kami, paborito namin ang sinigang. Kada linggo, yan lagi ang niluluto ng nanay ko. Mula nang namulat ako sa masarap na ulam, kasama sa listahan ang sinigang. Hanggang ngayong may asawa na ako paborito ko pa rin sya.

Nitong nakaraang Linggo, nagluto si misis ng sinigang sa bayabas. Ang sarap! Lalo na ang sabaw! Lassssshhhaaap! O di ba ikaw na mahilig sa sinigang e naglaway na rin. Sabi ni nanay buti may bayabas sa tindahan ngayon, e kada bili nya instant sinigang mix lang ang meron. Sa kakagamit namin ng sinigang mix, natikman namin ang malaking kaibahan ng tunay na pang-asim sa sinigang. Napunta ang usapan sa mesa sa bakit ba wala nang mabiling kamias? Bakit minsan na lang may bayabas? Bakit minsan na lang din ang sampalok?

E kasi nga natalo na ng sinigang mix. Lahat tayong bumili ng sinigang mix, tinanggihan natin ang mga nagtitinda ng tunay na sampalok, bayabas, at kamias. Bumoto tayo para sa Maggi at Knorr. Sila ang nanalo sa eleksyong ng pang-asim sa sinigang.

==
Kaya ako, kailangan kong tignang ulit ang mga binibili ko. Dahil aaminin ko, bobo ako sa pagboto, bumoto ako kay Erap.

Bahay Namin Maliit Lamang Pero Pero Pero

Ito ang bahay namin sa Las Pinas. Kuha yan noong Mayo pa, ginagawa pa lang noon at hindi pa namin nababalikan. Ano na kaya ang hitsura ngayon? Dapat tapos na. Ang sarap isipin na malapit na kaming magkaroon sariling bahay, kapirasong sulok sa Pilipinas na matatawag mong sayo talaga.

Magkatulong kaming mag-asawa sa paghuhulog dyan. Pagkatapos ng halos isang taon, natapos na rin naming bayaran ang downpayment. Sakripisyo din talaga. Bawas ang gastos, walang gimik, walang luho, (o sige, konting gimik, konting luho), at halos dito lahat napupunta ang kinikita. Mabuti na lang talaga at may trabaho rin ang asawa ko. Dahil kung ako lang ang kumikita, malamang hindi mangyayari 'to.

Inaayos pa namin ang paglilipat ng loan sa PAG-IBIG. Sana totoo ang programa ni Kabayang Noli, at nang magkasilbi naman sya at least sa amin. Sa lunes, pupunta kami sa developer para asikasuhin ang mga papeles. Kung walang problemang susulpot, gusto naming makalipat bago ako mag-birthday sa November.

Marami nang plano si Misis para sa bahay. Gusto nya daw lagyan ng gate para mas safe, gusto daw nya minimalist lang ang dating kasi maliit lang, ok daw ba ang temang Zen? Saan ilalagay ang sofa? Ang TV kailangan ding bilhin, anong kulay ng kortina ang bagay sa kulay ng pader? Dito sa gilid, magtatanim tayo ng mga halaman, ganitong bulaklak ang gusto ko para makulay, at yan may space sa harap, dyan natin ipaparada ang kotse natin na wala pa naman.

Nakakatuwang isipin. Ang sarap mangarap. Ang sarap mabuhay nang may hinahangad.

Patak

Aksidenteng nabuo ang ang hugis puso na'to. Nagkaroon ng physical manifestation ang ka-sweet-an ng asawa ko. Hehe.

Survivor Philippines Thailand

Malabo pa sa sabaw ng pusit. Survivor Philippines tapos gagawin sa Thailand. Maiintindihan mo yung French version, ginawa sa Pinas dahil wala silang island doon, pero yung pinoy version ie-export pa sa Thailand? Di ko magets.