supercoffee.
I always feel loved whenever somebody makes coffee for me. Especially if that somebody is somebody special.
==
At lambing ko yan sa nanay ko noong maliit pa ako. Nagpapatimpla ako ng kape pagkagising. Kahit ngayon pag tiyempong nasa bahay sya at nag-abot kami, ipinagtitimpla nya ako. Yung timpla nya, hindi nagbabago. Iba eh. Tipong kahit hindi ko nakita na sya ang nagtimpla tapos ipinatikim sa akin at mala-taste test na ipinahula kung Brand A o Brand X, Blend Nanay ang isasagot ko.
Eh kasi kahit may gatas din ang timpla ng girlfriend ko noon, at parang magsintamis naman, iba pa rin eh.
==
Oo nga pala, noong past life ko, ipinagpustahan ko pa ang pagtitimpla ng kape. Pustahan kami ng nililigawan ko dati na magkakatuluyan kami. (Kapal no?). Ang pusta, pag nanalo ako, e ipagtitimpla nya ako ng kape sa araw araw na ginawa ni lord. Hindi namin napag-usapan ang kabilang bahagi ng pustahan, yung ano naman pag di kami nagkatuluyan. E kasi nga sigurado ako.
Pero hindi kami nagkatuluyan. hehe.
==
Ewan ko ba, nasa pamilya na yata namin. Yung panganay namin, hindi nakakatulog hangga't di nagkakape. Yung panganay nya, ganon din. Yung isa ko namang kuya, mas weird. Najejebs sya pagkatapos magsepilyo. Walang palya. Hehehe.
Walang komento:
Mag-post ng isang Komento