Sabado, Enero 28, 2006

Ibang Mangulila ang Pagod Nang Puso

16

Kalungkutan ng aking tadyang at laman,
Ilang magdamag nang sinusundo-sundo kita
Sa pamamagitan ng umiilap na alaala
At pag-asam sa silakbo ng katawan.

Binubuksan ko ang dibdib na parang ilog
Na naghihintay sa pagbabalik ng tubig;
Pagkatapos, tinatanggalan ko ng tinik
Ng pagkainip at sapot ng balisa't takot.

Ibang mangulila ang pagod nang puso:
Agad lumalagok ng orihinal na kamandag
O kaya'y umiimbento ng masalimuot na bitag
Upang paglamayan hanggang sa magupo.

Napipilit lamang ako ng antok sa gabi
Kapag para nang kandilang nawalan ng sindi.

-Rio Alma, Palipad-Hangin

==
Isa na namang petiks na gabi. Sawa na akong tumingin ng mga litrato ng kung sino-sino sa flickr.com. Nakakainggit lang yung mga mahuhusay. Nnaisipan kong balikan ang isang oldschool na paraan ng pagda-download ng mga kanta - sa pamamagitan ng IRC. Alam kong may P2P na at mas madali doon pero nakaka-miss gawin ito.

/join #mp3manila
@find manny pacquiao
!aktivist Manny Pacquiao - Para Sayo Ang Laban Na To.mp3


solb.

==
Nag google search ako ng "Ibang Mangulila ang Pagod Nang Puso" at unang hit ang blog ni Jimple Borlagdan. Kung di nyo sya kilala wag kayong mag-alala.

Kakilala ko sya pero di ko sya kilala. Kayo hindi kayo magkakilala at di nyo rin sya kilala. ayos.

Tingnan ang tulang ito ni Jimple:

Rahan
Maisasalin kaya ang pag-ibig
sa rahan ng paglapat ng labi
sa lahat ng nakalantad mong ibabaw.
Hindi pagdadalawang isip, lalo na
pag-iingat, kundi pagrespeto
sa pagdating sa ibang tahanan.
Pagpupugay sa tarangkahan
ng harding ligaw, ang malaboy
na paguunti-unti ng hakbang
patungo sa pusod ng kabulaklakan.
Pagkiliti sa pagitan hindi pag-urong
ang nagpapabagal sa aking paglapag
sa sumuko mong pag-ilap. Hindi ko nais
na madaliin ang pagsaboy ng apoy
sa buong natuyo mong bansa.
Saglit ang alaala ng maikling
paglagablab. Nais kong punlaan
ng marahang apoy ang bawat dahon
sa iyong katihan.

Potek talaga ang mga makata. Malilibog.

Naisip ko tuloy, requirement kaya ang libog para maging isang matagumpay na makata? Ang alam ko kasi, si Rio Alma, malibog. Si Vim Nadera, malibog. Si Pete Lacaba, malibog. Si Master Joel, malibog. Siguro si Mikael din malibog. Lahat sila magagaling na makata at panay malilibog.

Ako malibog lang ako. Period.

==

4 (na) komento:

lojika ayon kay ...

nyahahah..ayos ang mga nakuhan mong poems ah!!!

Hindi-nagpakilala ayon kay ...

hayop ang key words. ayos, natagpuan ko lang to. halatang hinahanap ko ang sarili ko.may saysay din palang mag-google ng sarili.

victagos ayon kay ...

Jimple?

Jai Jesus Uy Borlagdan ayon kay ...

hahaha...sino ka yosi break?